CNDF Commander nih Mitthli le Hnukulh Buin Bia Achim (VIDEO)

Kan ngakchiatte in harsatnak phun phun kan tong, cubantuk cun kan nu le pa nih sianginn a kan kai tei. Fimthiamnak kan cawn ko nain kan ram thatlo ruangah zeihmanh kan chuah canh lo. Kan ram thatlei apanh lai tiah kan ruah lio ah hitihin kan ram cu asi than. Cu ruangah keimah zong ram le miphun caah CNDF ah ka umnak asi. Ramdang  unau hna, inn thatha tangah nuam tein nan um kho ko nain, kanmah nan fale zawnruah ruangah heh tiah harsatnak nan tuar. Nanmah bawmhnak thawng tein nihin ah hriamnam hna kan ngei kho.

 

Voitam pi cu kan lungdong ko hmanhsehlaw, nanmah thapeknak ruangah kan raltha than I, kan hnangam than tawn.  Nan fale hi inn le lo ngei lo ruangah voitampi cu Christmas nisunglawi  ah inn lei tlun an ka hal tawn. Nain voikhat te hmanh inn lei tlunnak  nawl kan pe bal hna lo. Christmas ni cu ral kan doh ni tu ah aa cang. Cuticun, kan ti khawhtawk tein ram le miphun caah kan tuan ko. Nanmah bawmhnak thawng in kan lungthawng, thazaang kan pe peng ko u.

Ram le miphun caah kan nunnak kan thap tiah kan ti ko nain, nihin tiangah kan miphun him tein kan in chia kho rih hna lo.  Ral ttih ruangah nutar putar kum 70 cung a simi zong ramlak ah nan um. Mitthli he thlaci kan tuh mi hi lunglawmhnak mitthli he theipar kan zun  te ko lai.

Zingka kan thawh  cangka in Bawipa sinah kukbil in kan tuah hnga dingmi vialte Bawipa sinah thla kan cam hnu ah rian kan tuan. Pathian nih Isreal mi hna cu hriamnam tampi a pe hna lo. Kanmah zong Lai meithal te si ko hmanh seh, Bawipa nih teinak a kan pek ko lai. Zeikhom asi ah adongh tiang ral kan doh pi ko u tiah zaangfah kan nawl hna. video zohnak