Chinram hi Mah Tein Federal Cozah Thanh Ding Asi Cang

Home

Can Karlak Cozah le Federal Fimcawnnak Ah Chin le Kaya Miphun. ■■ Karenni (Kaya) Siangngakchia 90% leng nih CDM an tuah. Ralhrang tuahmi Siang Inn ah an kai duh lo. Karenni Pyithuh Cozah hruai nak in Federal Cacawn ning cang in Fimcawnnak kan thawk cang tiah July 2, 2022, ah Vawleipi theih in an thanh. Kaya Mipi Uknak kuttang um mi Fimcawnnak bu nih an thanh mi asi. Karenni Caholh in an Cawnpiak hna. Kokek caholh in subject kip kha an cawn.

Federal Fimcawnnak he aa kalh mi vialte kha an hlawt, History (Tuanbia) le Social Science timi Zatlang Nun, Khuaram, Pawngkam, tbk kong kha an chap. Kawl holh in an min an kawh ning ahcun: မိခင်ဘာသာ စကားအခြေပြု ဘာသာစကားစုံသုံး ပညာရေး (MTB-MLE) ti asi. Nuhrin Holh in Subject phuntling cawnnak tiah min an pek. Karenni Milurel cu nuai 3 (300000) an si. Nuai 2 hi Ralzam ansi. Ramdang ah zam lo in, Karenni ram chung hmun him nak ah an i dawr chung. Ralzam nak ram lak zong ah Siang Inn tuah in, ca an cawn piak hna. Nuai 2 hi Ralzaam an si caah, Khua chung Siang Inn nak in Khua leng le Ramlak Siang Inn an tam deuh ve.

■■ CHIN miphun nih (Mindat) nih CDF / PDF si hlan ah Rallokap cu Meithal in kan kah hmasat hna. Sandah piah lio ah CHIN Kalay nih Rallokap an kap hmasat. CDF / PDF um hnu ah Karenni hi Rallokap a kap hmasat bik tu an si. Chinram hi CDM ah 80% kan si, Karenni hi 2nd ansi. CDMers Police hi kan i ruang kho men. Karenni Police Force an dirh cang. Chin mi kan dirh khawh rih lo. Rule Of Law caah an dirh. Police CDMers hna in an dirh mi asi. ICNCC ချင်းပြည်နယ်အတိုင်ပင်ခံကောင်စီ le ကရင်နီပြည်နယ်အတိုင်ပင်ခံကောင်စီ (KSCC) hi aa ṭhikhat mi an si.

Kawlram ah Mipi Cozah a dirh hmasat bik mi Pine le a hlawhtlin bik cu Karenni an si. Kannih CHINMi cu ICNCC nih nan kan tlaupi a sau ko. KSCC nih dirhmi silo in, KNDF Nawlpek nakin Direct in dirhmi Cozah le Fimcawnnak, Police le Adangdang zung hna an si ko nain, NUG nih an cohlan ko hna. Luailin Myo, Aungmingalar Veng um, High School ah SAC Siang Inn an onh caah, Tanghra Cawnpiaktu Saya/ma te (SAT) 6 cu KNDF nih an tlaih hna. Ni 10 an Cawnpiak hna hnu ah nihin 4 July 2022 dam tein an thlah cang hna. Federal Siang Inn Cawnpiaktu CDM Saya/ma te thlahlawh zong an pek hna.

■■ CHINRAM ahcun CDF / CNDF / PDF hna nih Mipi cozah an dirh, Siang Inn an kai, Siibawi te, Nurse te he Siizung le Ngandamnak zohkhenh nak ah an hlawhtlin ngai ngai. Federal Fimcawnnak belte an thawk khawh rih lo. A um cia mi Curriculum kha Nuhrin holh le kokek Caholh in an Cawnpiak hna. Achan cu Curriculum le cawn awk kan chiah piak cia hna lo, Chin Mifimthiam kan pa le hna nih.

Federal puitling tertu Kanmah le Caholh, Nunphung, Zatlang nun, Kanmah Tuanbia, Kan mah Geography, Kanmah Social Science, Kanmah Geology, Kanmah Economics, Kanmah Business, Kan biahla, tbk vialte cu Hmaikum cawn awk ah Kan CHIN Mifimthiam rual nih, an kan tuah piak te lai. Technicians (Ram Chung Ram leng) hna nih Cawnawk caholh le Curriculum nan kan tuah piak khawh ahcun “It is finished” a dih cang ko. Vailam cung KHRIH BIA kaa lim cang ti bang in Federal Fimcawnnak ah kan hlawh tlin bak ve cang lai.

Federal uknak in kal zong kan thiam lai, Kan lung pem fawn lai. Mah tein Lamkal kan thiam fawn cang lai. Keimah caah Halleluiyah AMEN, Jehovah Jireh ti cu mah bantuk hi asi. KRIH Gospel Thawngṭha khawh in; Hi hlei ka caah Gospel le Thawngṭha aum ti lo KEIMAH caah cun:

■■ Kaya (Karenni) hlan ah Thantlang peng hi Nuhrin holh (kokek holh) (CHIN CAHOLH) in Federal Fimcawnnak a thawk tu kan si. Karenni hi Semester (1) lawng an phan rih. Kannih cu Second Semester kan kal lio. Mipi cozah le Federal Fimcawnnak he CDF / CNDF nih an kan hruai lio asi. Chinram le Chin Miphun huap in kan thawk khawh rih lo caa kan phuang lo bia asi. Ning Hngalh ah nan kan ruah sual lai kan ti caah asi ko.

Kachin le Karen Hlanlio tein, a tir tein Federal Fimcawnnak in caholh le fimthiamnak a cawn cang mi an si. KIO / KBC, KNU nih an hruai hna. Kawlram cozah nakin Paucan Dohthlennak ah; an ti khawh deuh cang. KNU Federal School pakhat ah a kai mi hi, Nikum ah 750 lawng an si. Tukum cu 1300 leng an si cang. Kannih CHIN mi cu Ramdang siang Inn kai lawng hi papek asi. Federal Education caah Preparation kan rak tuah cia mi aum ti lo. Paucan Dohthlennak ah Harnak kan tawn colh ve.

Mah le nuhrin holh tein kanmah kan Konglam kha kan mah tein kan cawn khawh in Ramdang peh ah hin; fimthiamnak puitling ve. Kan kokek sining hngalh lemlo in, USA le Trump kong hna hngalh tuk palia mi hi: kan tlau fak cemnak asi. Kanmah kan Konglam hngalhnak caah pelte hmanh canṭha le covo a hmuh ballo mi CHINMi kan si caah asi lai. Mah tein khuakhan Lairel nak aum ballo mi Miphun le ram kan si caah asi. Nangmah lawng a tlau mi na si lo, CHIN Mifimthiam tam pi telin CHINMI tamdeuh kan ti ko lai.

■■ Kachin le Karen, Karenni Pastorte le Siangbawi te cu Federal Fimcawnnak ah biatak tein an bawmh / hruai hna. MAH le ralhrang he an I kawm lo. An sin zong ah kal in an ṭhu lo. Ralhrang nih a kong lam hngalh loin Meeting an sawm khawh hna lo. A Konglam hngalh loin Meeting sawm in hlen khawh ding mi Pastorte, Siangbawi te le Khua Nupa pakhat hmanh an um lo.

■■ Federal kan kalpi tikah, Uknak, Upadi sernak, Biaceihnak phun thum in kal hi kan I har men lai. CDF / CNDF lawng in aza loin, Mifimthiam hna I tel ve a herh mi asi. Ralhrang he Raldoh cuahmah lio asi tikah, Khuate Khuabawi kan thimh hna pin ah adang kan tuah khawh ding mi atlawm ngai. Kan va tuah set hmanh ah kan puitling lo kho men. Federal Fimcawnnak tu cun: kan kal khawh lai, kan hlawhtlin lai, kan thiam fawn lai.

Democracy in kum 10 kan kal tikah, GZ nih a thawt nam nak an hngalh tuk cang caah Pau Dohthlennak hi aa sem mi asi. Federal Fimcawnnak in Dohthlen can ah kan thawk khawh ve ahcun, zeitik hmanhah ngawl kan duh ve ti lailo. Ralhrang kan thluk hnu ah cozah asi ding mi sin ah hal awk asi lailo. NUG cozah sin ah hal ding zong asi lo. ICNCC nih tuahpiak chawm mi lawng I rinh ding zong asi lo. Mah tein khuakhan Lairelnak ti asi caah, CDF nih hruai in thawk ah a puitling lonak zeital aum el maw. Um hlah, Naisai.

MAH sin ah va hal in Federal kan ngah lai I, Federal in ca kan cawn lai ti cu tlau asi. Molh asi. Hrut zong asi. Aho sin hmanh ah kan hal awk asi lo. An kan pek khawh mi zong an um lailo. Kanmah tein hlawhtlin ter ding tu asi deuh. Midang le cozah dang cu an kan pek zong ah a deu asi lai. Ngasa kan hal I rul pek Bantukin: Changreu hal in lungto pek bantuk asi ko lai. Kum 80 leng Ngasa le Changreu ai ah Lungto le Rulchia an kan pek cang. Kan lung fim cikcek cang rawh seh.

■■ Bochuk Aung San nih Japan sin ah Zalonnak a rak hal lio ah Japan nih an leh mi cu: Independence timi cu hal in pek ding mi asilo. Mah nih thanh ding asi. Kan thanh Bantukin tein hlawhtlin ding in kan ṭuan lai an ti. Cucaah Japan Kut in Luatnak kan hmuh lo kha asi. Aung San nih a hal tuk hna caah; Chakhri tlaih mi Dr. Ba Maw cozah an pek hna. Aung San a lung fim I, Phasapalah bu a dirh, “Facist Japan Cihmih in Mipi Luatnak Bu” ti asi. Mirang sin in Luatnak hal tik zong ah PSPL min an hal. Kan Luat hnu ah Ramkhel Party ah an thlen. Aung San an thah caah, U Nu cu PSPL Hotu asi. Cucaah PM asi ve.

■■ PM U Nu Chan Karen nih Federal Dohthlennak an thawk. Irrawaddy Tikulh cu Karen lawngte an si. Karen nih an lak I an uk cang. U Nu nih Japan Ralbawi pa Suzuki cu a hal. Zalonnak ti cu midang sinah va biak in hal ding mi asi lo. Kan Zalen cang tiah nanmah tein nan thanh lai. Zalennak ding ah thil har mi aum lo. Thanh mai ding asi ko. Irrawaddy le Tuante ah va kal law, Cozah va dirh mai ko. An I kah ah, kah ve hna adih ko.

■■ ‘Colonel Suzuki’ nih, ‘U Nu’ cu tihin a rak ti bal: “Independence is not the kind of thing you can get by begging for it from other people. You should proclaim it yourselves. The Japanese refuse to give it? Very well then, tell them that you will cross over to someplace like Twante and proclaim it and set up your GOVERNMENT. What’s the difficulty about that? If they start shooting, you shoot back.” At all! Credit: Pu Biak Cung Post mi.

■■ Kum 70 leng kum 80 dengmang Federal kan hal cang. Tutan cu Federal le Zalonnak kha thanh can kan cu ve cang. Federal Phung in I uk mai ding asi cang ko. Ahohmanh hngak an herh lo. Federal Upadi ah Chin Acts kan ngei. Chin Ralkap bu ah CNF / CDF / CNDF kan ngei. Khua te lai uktu kan ngeih dih cang hna. Chin Cozah ser lawng aa duh cang. Chin Cozah ser awk ah Ahodah CNF / CDF / CNDF nih an hngak rih lai. Chin Cozah dirh mai ding asi cang. Kan tlai tuk lehlam cang. Paucan Dohthlennak ah Mipi nih Legitimacy tuah bik cu; CNF / CDF / CNDF hlei in an um ti lo.

Chin ram Independent cu thanh mai ding, Federal Chin Cozah kan dirh cang tiah Vawleipi theihhngalh in thanh mai ding asi ko. NUG nih a cohlan bak fawn lai, Tehte: Kaya Federal cozah an cohlan hna. Federal Muisam tlinter tu Biaceih bawi le zung zong Pengkip le Khuakip ah kan tuah cang tiah thang mai ding. Federal Muisam a langhter bik tu Federal Fimcawnnak zong, Kanmah tein thawk cang ding asi ko. Ahohmanh hngak awk kan ṭha tilo. Dohthlennak kum kan kal cang. Cu chung ah tuah awk kan fial mi hna nih an tuah ti lo caah.

■■ CNF / CDF / CNDF hruainak in Federal Fimcawnnak cu thawk cang hna usih. A tuah cia mi Pengtlang nih ṭhat deuh le ṭha chin chin in tuah hna usih. CNF hi hruaitu le uktu si hna seh ka tilo. Uktu le hruaitu, Chin Cozah si awk kan kuri hna seh, anmah locun a ti khawh hlei ding mi le Dotla mi bu le minung kan har tik caah asi. Kan fb acc kip nih Zalennak thanh ve cang usih. sayarungkaw