China Alungrawk Taktak Cang, US nih Zei Ko Dah Atuah Hoi

Home

China nih Taiwan cu zeitik caan poh ah hriamnam ka hman ahcun kan lak khawh, na cawl manh lai lo. Cu caah tha tein China ramthen na si ko caah tha tein China uknak tangah um ko tiah a lemsoi pah a thihphaih pah. Nain Taiwan nih zeitik hmanh ah China tangah ka kun bal lai lo tiah a ti. Biden nih US president  atuan bakin China nih Taiwan cungah hnahnawhnak a tuah colh. Taiwan nih airspace redzone an chiahmi tiang China vanlawng nih a lonh men.

Cu caah Pelosi cu aa tuar ti lo I, Taiwan a tlawng. China nih an thihphaih len zongah Pelosi nih China hrocernak cu zei ah a rel lo.  Pelosi nih Taiwan a tlawn ah khan US ti ralkap nih escode/security tha taktak in an lak I, China ram pawng ah raltuknak tilawng he an um thup. Pelosi cu tluang tein US a rakir than.

Cu tlawmpal ah President Biden nih hriamnam kongah House cu thawng athanh hna. Taiwan sinah raltuknak hriamnam $1.1bn (£960m) kan zawrh lai. Hi hi House nih rak pass u tiah a ti. Atu cu House nih an pawm piak cang caah Taiwan nih US sinin raltuknak hriam thatha tamtuk a cawk than lai. Acawk ding mi hna cu,  air-to-air and surface-attack missions caah $85.6m (£73m) , Harpoon anti-ship missiles caah $355m (£308m),  cost and support for Taiwan’s surveillance radar program  caah $665.4m (£577m), hi US nih Taiwan a pek lai tiah  the Pentagon’s Defense Security Cooperation Agency (DSCA)  nih a chim.

China nih US cu phungning loin Taiwan sinah hriamnam na pek hrimhrim awk asi lo I chaw leh thalnak phung lonh in Taiwan sinah hriamnam na zorh awk hrimhrim asi lo ati. Taiwan nih US sinah a cawkmi hriamnam hi atha taktak mi lawngte an si caah, China nih Taiwan hi a tu taktak ngam lo.