CDF,CNA nih Hakha Timit Tlang An Sunghnak Aruang Afiang

Home

Thlapa thlakhat chung tluk Timit Operation a um hnu ah kan ralkap nih biatak tein an venmi Timit tlanghrawn asannak bik cu hmun cu ralhrang kutah a phan cang tiah theih asi. Ralhrang nih aa ngeihmi Fifty Two nih Timit tlang kan ralkap Camp  hmanthlak le thilri an tlaihmi tete, an ihphah puan tibantuk tete an langhter. Tutan an ral nih an nam khawh hna nak aruang cu, raltuknak caah a herhmi thilri le hriamnam an ngeih lo ruangah asi.

Nai te ah Vaurawng nih interview atuah hna lio ah an chimmi chung in a biapi ngaimi pakhat cu, Drone tha mi an ngei lo. Drone tha taktak mi pakhat an ngeihchun cu ruah lo piin a tlak sual I, aa rawk dih. Cubantuk drone cu um sehla tutan Timit operation ah hin a tha tuk ding asi ti an chim. Meithal thatha le hriamngan pipi kha kan ralkap nih an tumtah mi asi lo. Zeipipa in a man fak lem lomi drone an herhnak kong an chim.

Drone tha mi kha tutan ah hin ngei hna sehlaw ralhrang hi an umnak hmun le an I thupnak hmun in an thio lengmang ko hna lai. Atu cu ralhrang nih an umnak hmun tlang ah hmunhma khuar an I tim ve than cang. Zeibantuk hmanh in um ko hna hmanhsehlaw, kan ralkap  an lungdong nemmam lo, fingtlang le horkuang tampi hmunhma dang a um rih.