CDF-Zotung, (Supreme Council) Cathanh Chuahmi cu A Cian Bak Hih

dailychin Home

CDF-Zotung chungah buainak a ummi hi Ro Thong Ling nih hruaimi (an dihlak minung 45) ruangah asi. Hi hi ningcang lo le sual chuah ruangah tuahmi asi caah phung ning tein CDF-Zotung, Zotung Organization (Supreme Council) nih hitihin canthan achuah. Atanglei ah langhter ning hih:-

  • 23Feb.2022 ah CDF-Zotung, Zotung Organization (Supreme Council) bylaw cu hrawh asi cang.
  • 23 Feb, 2022 ah CDF-Zotung, Zotung Organization (Supreme Council) I Commander-in-chief cu a rian in phuah asi.
  • 23 Feb, 2022 ah CDF-Zotung, Zotung Organization (Supreme Council) riantuannak ding ah ramchung NGO  sinin bawmhnak ting 50 cu CDF-Zotung min hmang in chuah asi nain nihin tiangah 23 Feb, 2022 ah CDF-Zotung, Zotung Organization (Supreme Council) hmai ah cazin zeihmanh chuahpi asi bal lo.
  • 26 September,2022ah Ro Thon Ling cu 23 Feb, 2022 ah CDF-Zotung, Zotung Organization (Supreme Council) aiawh in CJDC palai ah thim asi bantuk in CJDC  meeting khuakhannak cu zeihmanh thawngthanhnak le theihter thannak a tuah ballo. CJDC palai sinak in thim a si ti lo hnu zongah a thli tein zeitimaw tein CJDC cu pehtlaihnak a tuah peng hna. Cu cu CDF-Zotung nih a cohlang kho lo.
  • Hriamnam cawknak dingah phaisa ting 1500 cu Ro Thong Ling nih  achuah nain hriamnam a cawk le cawk lo timi cazin pakhat hmanh zong hmuh ding a um lo.
  • June 10,2022 ah CDF-Zotung, Zotung Organization (Supreme Council) battalion 1, thisen he biakamnak atuah tti hawile cu hlawt in Gangaw PDF he ibawm in a hrampi asimi CDF-Zotung, Zotung Organization (Supreme Council) hriamnam tampi an lak.

  • Zotung ramchung khua ah a kal I, CDF-Zotung, Zotung Organization (Supreme Council) cu ahohmanh nih zumhlo dingin mipi cu ati hna. Cu lawng hlah innkhat ah phaisa Ks5000 cio a hal chap hna.
  • CDF-Zotung, Zotung Organization (Supreme Council) nih fialnak pakhat hmanh um loin Zotung ramchung ah check-gate a tuah rih I, motor le khualtlawng kaimi hna sin ah phaisa hal a rak tim rih hna
  • Zotung mifa hna dohthlennak a tuahtu hna he hmukhat te ah lungrual tein riantuan tti ding in chimh cawnpiak asi hnu zongah ngai duh loin CDF-Zotung, Zotung Organization (Supreme Council) dohkalh in le sakhan luhhnawh le hriamnam tiang a lak caah amah le a hnuzultu minung 45 hna cu CDF-Zotung chung ah um kho ti lo dingin kan hlonh cang hna.
  • Mah cathanh kan chuah ni thawk in ni 14 chungah a lak mi hriam vialte cu CDF-Zotung, Zotung Organization (Supreme Council) ah a pek than lo ahcun a cungah a tlung dingmi thil kongah CDF-Zotung, Zotung Organization (Supreme Council) nih tuanvo kan la ti lai lo.