CDF-Zanniatram G.S: Chinram Huap Kan Ralkap Cu CNA an Si (VIDEO)

 

Ram dohthlennak in hmun kakip le pengtlang kip ah mipi vengtu ralkap CDF timi dirh cio asi. Zanniatram cu CDF an dirhnak in kumkhat a tling ve cang. Kumkhat atlinnak Conference an tuah. Cu conference ah CDF-Zanniatram GS nih biachimnak a nei. Achimmi ah uar a um bakmi cu, Kannih CDF cu pengtlang tete in kan um hna i kan cawlcang hna.

CNA cu kanmah bantuk an si lo, ramkhel kongah hriamtlaiin kum 35 mipi caah an dir cang. Annih cu pengtlang caah si loin Chinram le mipi caah a dirmi an si caah CNA nih cun Chinram an duhnak hmun poh ah kal in ral an tu kho, an cawlcang kho tiah achim. Conference banner an tarmi zohtikah acungbik ah CNA flag an tar. Khikhi sullam ngei tein tuahmi asi. CNA cu kan lutlai an kan hruaitu bik an si ti langhternak asi theo lai. video zohnak