CDF Pasaltha Hna nih Hin Miphun Caah Nunnak Pek hi Ttih Hrimhrim lo (VIDEO)

Home

Pasaltha hna hi uar an um tuk ko ee. Miphun caah nunnak pek hi an siang tuk, an ui hrimhrim lo. Zephai mino pasal/nusal ttha hna amiphun le ram caah nihin hi Timit raldoh nakah an ithawh hna, Nulepa hnanih thlacam nakhe anthlah hna azat cu relte ko u.

TU LIO FACEBOOK KUANG THLI HRÂN LE LUNGCHUNG BIA HALNÂK. Muslim or Buddhist biaknâk in Christian biaknâk i cawnpiaknâk a dik kan timi ah hringthan sehlaw, khamhnâk cu a co hrim hrim ko hnga. sihmanhsehlaw, a ruang pakhat khat ruangah Christian zumhnâk kha hlaw than in Buddhist or Muslim biaknâk ah kir than sehlaw, zeitindah a thlarau khamhnâk kong cu kan chim than hnga ? # Cu bantuk ralrin peknâk cu Bible ah a um maw? # Siloah, cu bantuk cu an hringthan tak tak lo caah si, timi, Bible cacâng teh a um maw?

Nangmah Bible cawnpiaknâk a dik na timi ah hringthan sehlaw, cu hnu ah duh sah tein, biaknâk paoh paoh nih van an phan kho ko, Sertu Pathian cio cu pei kan biak ko cu, tiah , na cawnpiaknâk he â râlchanh mi pom kau zumhnâk ah dir than sehlaw, a thlarau khamhnâk kong cu zeitindah kan chim than hnga? # Mah bantuk ralrin peknâk cu Bible ah a um maw? # Siloah, mah bantuk cu an hringthan tak tak lo caah si, timi Bible cacâng hna a um ial sual maw?

Nangmah Bible cawnpiaknâk a dik na timi ah hringthan sehlaw, cu hnu ah duh sah tein Minung nih Pathian a zum kho lo, Minung hi â thleng kho lo, a hringthan tak tak kho lo, Pathian tu kha a lung â thleng i, misual a kan titu Pathian kha a hringthan i, mi ding a kan ti than caah mi ding kan si ko. Minung nih thlarau zong kan ngei lo, Minung thlarau timi cu Pathian thâw si ko. Vân zong a um lo, Hell zong a um hlei lo. Kan thih tikah Pathian thâw cu amah Pathian sinah a kir than lai i cu vial cu si ko, timi cawnpiaknâk ah a zumhnâk hram bunh than diâm sehlaw, ( cawnpiaknâk dangah kan thial tâk sehlaw ) a thlarau khamhnâk kong cu zeitindah kan chim than hnga? # Cu bantuk ralrin peknâk cu Bible ah a um maw? # Siloah, cu bantuk cu an hringthan ning a dik lo caah si, timi Bible cacâng hna a um hnga maw?

Bible cawnpiaknâk a dik kan timi ah hringthan ko sehlaw, cu hnu ah voikhat hrinthan cang hnu cun kan khamhnâk cu a tlau kho ti lo, taksa in sual kan tuah than sicun, kan chan tu tawi lai i, laksawng tu hna kan sung lai tinâk si ko cuh, tiah, a thlarau khamhnâk ca lawng ruat in a pumsa duhnâk tuah ( sual i nun ) tu cu kaltâk duh lêm hlah sehlaw, cu bantuk cawnpiaknâk i hrinthannâk nih cun tlau kho lo khamhnâk an timi cu a co ve tak tak ko hnga maw? Mah bantuk cawnpiaknâk hi Bible nih a dirpi mi cawnpiaknâk a sinâk Bible cacâng a um ial maw ? Siloah, a doh mi cawnpiaknâk phun deuh dah si hnga ?

Keimah catialtu nih cun, TLAU KHO LO cawnpiaknâk hi mi tampi TLAUTERTU a si cang. ( Dinfelnâk ah zumhawk an tlak ti lo. cucu tlau khat. ) AN PUMSA IN DINFELNÂK LE THIANNÂK AH ZUMHAWKTLÂK NUN CU AN TLAU TÂK CANG I, AN THLARAU KHAMHNÂK A TLAU CHIH LE TLAU CHIH LO CU VAN AH A FIANG TE KO LAI CUH. ka ti. J.fready