CDF-Matupi nih Ralhrang Bomh An Puah Hnawh Hna i 16 An Thi, 10 hi an Kut le Abul

Home

Matupi Peng Kahdohnak Ah SAC Ralkap 16 An Thi, 10 Hliam An Tuar, Yesagyo Kahdohnak ah SAC Ralkap 2 An Thi
Chin ramkulh, Matupi peng Walanpi khua le Kala khua kar ah June 7 zanlei sml 5:00 hrawng ah SAC ralkap pawl cu bomb puah an ton caah 16 nak tlawm lo an thi, tiah CDF-Matupi sin in theih a si. June 7 zanlei sml 5:00 hrawng ah Walanpi le Kala khua kar ah bomb lung 3 in an puah hna caah SAC ralkap 16 nak tlawm lo an thi i, 10 cu ke bul kut bul buin hliamhma an pu, tiah theih a si.

“Walanpi le Kala khua kar Va Ngai Ceng(horkuang) ah CDF-Matupi nih bomh an puah hna i, SAC ralkap 16 nak tlawm lo an thi. Cu hnu ah Matupi-Paletwa lam lei ah an kal. AA ralkap umnak ah kal in an kuttang ah chiah an duh hna. Sml 1 hrawng kal hngading cu ramlak in an kal caah chun ni tlak an rau,” tiah tualchung mi nih Khit Thit Media ah a chim.

Magway ramṭhen, Yesagyo peng Kyikan khua pawng ah SAC ralkap le Pyusawthi an i citmi Hijet motor cu, June 11 zing sml 9:00 hrawng ah tualchung hriamtlai nih bomb an puahhnawh caah SAC ralkap 2 an thi, tiah theih a si.
SAC ralkap 7 aa citmi Hijet motor cu, Yesagyo-Pakokku lam ah bomb puah a tong i SAC ralkap 2 an thi, 5 hliamhma an pu, tiah Yesagyo PDF nih cathanh an chuah. Cu kahdohnak ah Yesagyo PDF၊ Northern Yesagyo (N-YSO)၊ Myaing Rural Guerilla Force le Steel Hawk PDF -Myaing Township hna nih an kah hna, tiah theih a si. TCP