CDF-Mara nih Lailenpi Khua ah Hin Hibantuk Thil Hi An Tuah Taktak Ko Hnga Maw…

Home

Nichuah Mara khua Lailenpi le pawngkam khua ah a ummi Mara miphun vialte hna cu kahdohnak tihnung ral hmai ah an um ruangah thinphang thlalau in an um cio hna. Minung nih kan duh lo ngaimi kahdohnak hi kan luat khawhnak hnga Myanmar ramchung ramleng ah khuasa Mara Evangerlical Church (MEC) local church vialte le Mara miphun zumtu bu dangdang vialte zong nih thlacam nan kan bawmh cio nak lai kan Bawipa Jesuh min in kan in nawl hna.

CDF (Mara) nih an hawikom sawm in Lailenpi khua hrambunh ralhrang hna cu doh ding in Leilenpi khua an kulh dih. June 13,2022 zan ah khrihfabu nih a dirhmi Private High School mei in an khangh. Bawipa nih a duh lo caah a caan te ah meikhangh cu kan hmih khawh than. Cu zan lila ahcun Municipal Office zong mei in an khangh rih.

Pawngkam ninung nih meikang cu an hmih khawh than nain, Cauk cheu cu mei nih a kang. June 15, 2022 zan suimilam 10:30pm hrawng ah Lailenpi State High School a tthing mei in an khangh rih. Cu zong cu kan phalh manh. Cu zan thiamthiam zantim 12:15am hrawng ah High School documents an chiahnak Library zong an khangh rih I, mei kang cu kan hmih khawh nain documents a biapimi vialte a kaang dih/

Inn an khangh mi cu MAH ralhrang nih an theih hna I, meithal in CDF-Mara cu an kah hna. Hriamnam lian he hme he an kah hna. CDF-mara zong nih an kah ve hna I, Athimi mi bel an um lo. Hibantuk in khuachung ah kahdohnak an tuah ruangah nu le ngakchia, tarnu tarpa le khuami hna cu thinphang thlalau in an um hna. Hibantuk in kahdohnak an tuah ko asi ahcun, Mara khuapi Lailenpi cu a rawk dih ko lai. Mara khua hna cu an rawkral lai I, kan biaknak zong a rawk lai I, Mara miphun kan rawhnak zong a cang kho mi asi.

Cucaah hmunkip kaakip um Mara khrifa vialte nih Mara ramchung khua hna ah meithal kahdohnak a um tinak hnga lo le, mipi hna hnangam tein kan Mara ramchung ah pehzulh in khua kan sak khawhnak hnga thlacamnak in kan bawm cio u tiah Zisuh min in kan in sawm hna tiah sawmnak cathanh an chuah.