CDF le CNA Karlak Thawngpang Tha Ngaingai Asi

Home

By Col.Solomon РAtu kan khuakhan ning ahcun, CNA ah lut dih uh, asi loah nanmahle pengtlang chungah um ulaw, nanmah reng dirhmun ah um ko ulaw, CNA Command tangah nan um lai tiah Bahu committee meeting biachahnak asi. Mah cucu pengtlang CDF hruaitu, CJDC  hna an lungtling dih ko. Pengtlang cio in thatho tein an dir cio I kan ilawm ngai ko. Nain, mah pengtlang chungah heh tiah riantuan I au peng le riantuan peng hi ruah tikah rianhma a kal le kallo cu aa fiang pah ko cang. Pengtlang in cawlcanghnak zohtikah cheukhat cu mah lungthawhnak sawhsawh, zeipipa politics zong thei huaha lo tampi an um ve.

CNA ral an tu lo, ral an do lo tiah a chimmi hna hi aho fa ko dah nan si e, nan ning ahngal tuk, pastor na si ah zeibantuk nan si zongah hibantuk bia chim ti hlah uh, nan ziaza le nan lungput thleng uh, kan thi dih cang lai hi nan thei lo maw. CDF, CNA caah phaisa na hei pek cangka in, CNA, CDF caah phaisa khawltu na hei si cangka in na biachim a chiat ning, cunglei in nawlngeih nan I tim colh.

CNA ah hin raltuk thiam taktak mi kan I neih hna ti hi nan thei lo maw? Phaisa na vun thawh cangka in ninghngal tukin bia hi na hei chim ve, mah bantuk minung nih phaisa zong kan pe hlah uh, kan duh lo. Hihi Than Shwe lungput le sital asi. Phaisa kha thawh ulaw kanmah nih kan kap ko lai, kan raltuknak kongah rak ithlak hlah uh.

Na pekmi hi dollar 100 asi lio ah na chimmi hi dollar 2000 man asi. Hibantuk lungput le zia hi sal lungput le ziaza asi. CNA ral an tu bal lo ti phunphai in bia nan hei chim, nihin tiang kan thi thluahmah hi nan kan hmu lo maw, kum 35 pei ral kan tuk cang hi. Raltuk hi na thiam ngai I na ngamh taktak ahcun ra law ral rak tu ve. Cun, kan pastorate hna nan biachim iralring uh, raltuknak ah iceih hlah, biaknak ah kan iceih ve lo hih. Kan zum hram ko uh, ral kan tu cuahmah ko hih. Nihin kan hmuhmi phaisa hi raltuknak ah kan hmang ko ti hi kan theih piak uh tiah a chim.