CDF-KKG le An Hawile Minung 17 Nih Hliam An Tuar

Home

Nizan in Kalay pawng Tazakung khua ah a ummi ralhrang le mipi ralkap karah kahdohnak achuak I, nihin tiang an ngol lo. Tuzan zan suimilam 9 hrawng zongah an I kap cuahmah ko. Nizan in kahdohnak hi thawk asi cang. Ralhrang lei minung 15 nak tlawmlo an thi I tamtuk hliam an tuar. Kan pasaltha hna chung in minung 3 nih nunnak an pek I, minung 17 bak hliam an tuar ve.

Nunnak a liammi hi PDF Kalay hriamtlai pakhat, Pah-Kah-Phah in minung 2 an si. Hliamtuar mi hna hi PDF-Kalay minung 10, CNDF-Vakok 2, RKDF 1 le Pah-kah-phah 4 an si. An dihlak hliamtuar hi minung 17 an si. Ralhrang nih hin Tazakung khua minung 50 an tlaih hna I, minung pakhat meithal kahnak in a thi j, midang 2 zong hliam an tuar. Ralhrang nih hin khuachung inn 5 an khangh rih tiah CDF-KKG nih cathanh an chuah.