CDF-Hakha, Thantlang le Matupi Tal Hi Cu CNA ah Lut Dih Um Dih Lawlaw Usih

Salai Aung- Dohthlennak aa thawk in hriam kan vun tlaih ka ahcun kan lung aa rual ngaimi kan lo nain hriam kan vun neih pah cio hnu ahcun hmunkhat teah um ti cu a har tuk cang. Cu caah One Command, One Control timi tang te ah um ding in CNF chairman nih a chimmi hi a dik ngaimi asi. Cu caah kanmah Hakha,Thantlang le Matupi tal hi cu CNA chungah lut dih lawlaw usihlaw, Matupi asi khawhlo hmanh ah Hakha le Thantlang CDF hi cu CNA chungah CNA tangah um dih lawlaw usihlaw, CNA thazaang thawnter I phaisa thawhbur zong hi hmunkhat ah a kal lai I kan thawng lai ti hi keimah pumpak ruahnak le ka duhmi cu asi.

Hriam kan tlaih tikah sinak duh, abo le sen duh ah hriam hi kan tlaihmi asi tung lo. Caan a vun rau deuhdeuh I mahle pengtlang cio in phaisa lei thazaang avun thawn, hriam meithal kan vun neih cio tikah cheukhat hmurka in a chuakmi le lungput ahcun CNA zeirellonak lungput, hriam kan tlai nan ti, kanmah raldoh zat hmanh nan do loh tbk in achimmi kan um cang.

Si kho sehlaw ramdang lei bawmhnak phaisa hmanh hi CUT OFF tuah sisehaw anmah tein an dir kho cio lai maw ti hna ka ruat I ihliah cio tuah usih ti hi ka duh. Hmunkhat ah kan ifun khawh ahcun minung thazaang siseh, phaisa thazaang siseh kan thawng lai I, teinak kan hmu ko lai tiah a chim.