BREAKING NEWS: Tuzing Hakha Ralhrang Meithal Kahnak In Nungak Siang Hnem Cer Nunnak Liam

Home

Breaking News- Hakha le Nipi khuakar kahdohnak ah ralhrang nih Mai Siang Hnem Cer an kah- August 12 Chin ralkap CNA, CDF le SAC ralhrang karlak kahdohnak ah mipi chung in motor he khual a tlawng mi Mai Siang Hnem Cer le pa pahnih hna cu ralhrang nih an kah hna i Mai Siang Hnem Cer cu a nunnak a liam tiah kan theih.

 

Ral ram ah a ummi pakhat nih, “Tuzing kha Hakha hrambunh 266 ralhrang he kahdohnak a chuak. Kahdohnak a vun daih hnu ah Pajero Motor he khual a tlawng mi nu pakhat le pa pahnih an motor cu ralhrang nih an kah hna. Hi an kah hna nak ah motor chung um khuami nu pakhat cu a nunnak a liam,” tiah CCN ah a chim.

Nithaizing kahdohnak ah ralhrang lei in minung pakhat a thi i hliam a tuar mi bel an tam. Mipi ralkap lei an him dih tiah kan theih. Cun, mipi an kah mi chung in a nunnak a liam mi hi Mai Siang Hnem Cer a si i amah hi kum 27 a si. Amah he aa cit ti mi pa pahnih hna cu an him tiah kan theih. CCN