Bingram le Bing Fa Ah Aa Chuah Ding Mi ZRA le MDF

Home

State Tu Hmuh Loin Bingram le Bing Fa Ah Aa Chuah Ding Mi ZRA le MDF- Kanmah Kan Pi Pi Amay Suu le NLD Mipi Cozah Chan ah Bingzuar le Bing zukmi an tambik nak hmun cu 1nk: Kachin, 2nk; CHINRAM tiah ASIA time ni a ṭial. Kachin ram ahcun Ram Hkye timi rithai sii ngawl khawhnak College le Siang Inn an tuah cang. An hlawhtlin ngai ngai. KIO le KBC bawmh in an tuah mi asi. Chinram ah Bing an cinnak hmun cu ZRA hmunhma ah asi.

ZRA lawng si loin Manipur um mi Kate le MEITEI Tupung tiang nih an cin ve. Ekah 1 ah ting 1000 man thingkung le thlairawl tiah min an pek. Tamada Tin Sein nih KIA tuk ding ah a fial ve hna caah KATE Tupung le Meitei Tupung cu India ah an zam dih. Bing cinnak phaisa hram lawng an chuah I ZRA nih an cin piak hna. An zohkhen piak hna. Rallokap bawi he bing cin in an zuar ṭi. Ralhrang Rallokap le India nih BGF ah an hmang ve ve hna. Thlahlawh le meithal zong an pek hna. ZRA cu CHINISM le Nationalism ruangah dirh mi asilo. Sipuazi le Bing ruangah aum mi ZRA an si.

Mara ram hi zu an khap nain zu ram bik an si. Zu khaptu MTP le MPs, Cozah lutlai tampi cu zu din lawngte an si. Mi sifah fa cu zu man afak tuk caah denrei le rithai sii dang kha an I chunh, an dawp, an hnim, cuticun an ram hi rithai sii ram ah aa chuah cang. Mara in Oneness in Ramkhel ah akal mi an si. Mara Krifa Mara Party, Mara Cozah, Mara Ralkap, Mara lawng tein an kal.

Mara fa nih Mara holh lawng hman ding an ti nain, an hlawhtlin lo. Saiha khualipi um Mara fanau le hi Mara holh a theih lo mi deuh lawng te an si. Mizo holh an hmang dih. Mara KRIFABU ECM ah Mizo holh in an I pumh. Mara miphun hmanh Mara caholh a thiam ter I a hmang ter khawh lo mi MDF nih Lautu le Zophei cu Mara caholh le biaknak hman ter I timh cu a mak ngai ngai. Atappi le lungthu hmanh aa veng khawh lomi nih CHINMI an Unau hi doh phung asi lo.

An Unau CHINMI he pumkhat si khawh loin ril fong hlei Bantukin a um zungzal mi Mara le ZOMI hi anram le miphun a chung thilri zoh ahcun: an vaivuan tuk cang. An Unau Chinmi an kan doh caah hitin an tlau nak hi asi lai tiah ka ti tawn. CNF hruainak in CHINRAM Federal ram, mah tein khuakhan Lairelnak in kan kal lio ah, kan Unau Mara le ZOMI nih State hal an duh caah, ZRA le MDF an dirh. CNF, CDF he an I fonh khawh lo I, an I fonh duh fawn lo. Ralhrang Rallokap tu he Hawikom an si lehlam. Khuaruahhar minung an si hrim ko.

Mara miphun ralkap MDF hi ahnu ah cun, BGF an si te kho men. Mara ram ah Bing cin in, Bing phunphun le rithai sii Sipuazi a tuah tu an si te lai. ZOMI ram le Mara ram cu Bing ram an ser lai I, an fanau hna cu Bing fa ah an I chuah dih te lai. Rallokap he aa kawp mi UWSA siseh, ZRA siseh, bing an cin dih, bing an zuar dih, bing an zuk hmawm dih fawn. Ahnu ah cun Rallokap hna he Bing cin in Sipuazi nan tuah ṭi te lai. Rallokap bawirual rumnak le Divide and Rule policy an Bing cin le zuar hi Strategic planning asi.

Mizo ram, Mara Ram, Manipur ram cu Black market timi Sipuazi thiang lo an lal nak hmun asi. Tamu Morei leh bang khi cu Hell kutka ti awk in. Nanram le an Vawlei hi Sodom le Gomorah bantuk asi cang. Rithai sii le nu ṭhatlo in an khat hlan ah CHIN mi sin ah rak kir cang uh. MDF le ZRA hrawk uhlaw, CNA asiloah, CDF tu ah rak I fonh cang ko rawh uh. Ngawl loin nan kal peng ahcun, State nan duh mi tlin loin nan duh lo bik mi Bingram tu nan si te lai. Achan cu a kungthu asi caah asi ko. Zeidang cu asi lem ve lo.

Cucaah Mara miphun le ram siseh, ZOMI miphun le ram siseh, Bingram le bing miphun sersiam loin, luat ter nan duh ahcun, CNF le CDF nan Unau hna sin ah ra ve cang uh. ZOMI le Mara Miphun damnak tlamtlin an ngah khawh nak tiah dawtnak he kan sawm hna. ZRA le Kate Tupung nih Thantlang khua an kah ve I mei an duh ve ti thawng ka theih tikah hi biatak hi phuang loin ka um khawh lo. Chimh loin um ning law chiatserh ka si sual lai. Biatak phuang ding in thlah mi le fial mi ka si fawn tik ah, ruah thiam ko uh.

CDF Ttl kha Vawlei pi hngalh in a buaibai hmasat mi le a mual pho hmasat bik cu Mara kan si ko kha aw. MDF nih nan Unau CHINMI kan in tuk hna lai lo tiah bia aa kam ngam mi nan um lai ka zumh lo. Ralhrang MAH voikhat hmanh tukdoh ballo ah, an biahla atam ning le nan bia a sang ning hi cu celh nan si ve lo. Nan thanh ca nih le vawn atawng. Ral nih doh bal fawn lo. Siṭal le Popular in MDF nan dirh rua. ZTC