Biak Hmun Sang nih Zeibiadah Achim…

Home

Biak Hmun Sang le ahawile 2 cu Nagaland Champion pawl singkhaw ding in an ithawh deng cang. Nagaland Paih tawlreltu nih Special taktak in vawlei cung hmuh khawh dingin advertisement zong an tuah dih cang. Nagaland lei ah Biak Hmun Sang a kal lai timi thawngpang a um ka teah Biak Hmun Sang cu online in interview an rak tuah. Cu lio ah a rak chimmi bia nih tutan Paih ah hin teinak a pek lai zumh asi.

Arak timi cu, Naga lei paih hi biatak tein ka cawng, an ipaih ning zong tha tein ka hlathlai, ka zoh tikah phun dang pi asi lo,  afawi tuk mi asi ko tiah a rak chim. Aliamcia 2019 ah Rung Lian Ceu arak sunghnak zong kha Naga lei paih ning tha tein a rak cinh lo ruang te ah asi. Kha kha rak cinh chung cu sisehlaw Naga pa nih thiamnak leiin pakhat hmanh a rak tei lo. Tutan ah Biak Hmun Sang cu zumh a um bak, zeitintiah Naga paih kha tha tein a zoh dih cang, a cawn dih cang lai caah. A hawile zong zumh an um bak ve… FIGHTING FOR CHINLAND…

Tutan ah Biak Hmun Sang le ahawile 2 cu India ram Nagaland ah Paih dingin sawm an si bantuk tein timhtuahnak tha an ngei dih cang. Nagaland puai nikhua hmunhma le caan vialte cu a fiang dih cang. Anmah Nagaland in tuanvo ngeitu nih cawngia an tuah dih cang.

An I painak ding hmun hi Nagaland khuapi  Hockey Ground IG Stadium Complex, Kohima ah asi lai. An I paihnak hi Pay Per View in zoh a si te lai. US leiin a kal dingmi hi Biak Hmun Sang Heavyweight Champion,  Van Ceu Hmung Lightweight Champion le Uk Lian Thang former heavyweigh champion an si te lai.

Anmah pathum dironhtu ding hi Nagaland King of the Ring Series Champion 2021 Menuosetuo Yiese, Kezhaseluo-o Pienyu (2021 King of the Ring Championship 2nd position) le Kenzhavizo Thevo (2021 King of the Ring Championship 3nd position) hna an si te lai. KING OF THE RING SERIES 2022 ah hin Biak Hmun Sang vs Menuosetuo hi Main Event an si te lai. Zeitintiah anmah pahnih hi Heavyweight Champion veve an si caah.