Australia Ah Pu Maung Thang Fapa Nam Sawhnak In A Nunnak Aliam

Ngaihchiatnak Thawng. Ruah lopi tuk in Nitlaklei Melbourne ah kan Chin community chungin ngaihchiatnak kan tong. Nihin zaanlei sal 4 pm hrawngah Sunshine Station ah Melton khuasa, Pu Maung Thang i fapa hniang Pa Sawm (Kum 14) cu mi kut nam sawhnak in a nunnak a liam. Tantak chungkhar le Matu community hna an ngaihchiatnak kan hrawmpi hna. Kan biak Pathian nih kan umpi ko seh!CBN

USD 1 Billion Nakin Hmual Ngei Deuh Mi Chinmi 25000 Dollar Drone Operation Israel Hluan Chin Mino Hna IT Fimthiamnak ■■Uknak Chuttu MAH te SAC nih Pauchuak Dohthlennak le Tlangcungmi Tei awkah hriamnam an cawk mi man hi USD 1billion (1000 million) asi cang nain an kan tei hlei lo. Mipi le kan ralkap nih kan tei rih lo asilo. Kan tei ko nain kan thluk khawh rih lomi tu asi. Loring mei kan duah khawh cang, Thlam kan sak cang, Hmangsawm lawng an tang. Hmangsawm khawh in thlaici phum can le belh hram phoih can kha a nai ko cang.

■■ MAH nih USD 1 billion in hriamnam a cawk ko nain Phuntungtu le Phun U Ramdang um Chin Unau rual nih cawkmi USD 25000 Drone tu hmual a ngei deuh. 1 billion cu zero 9 nih an zulh (1,000,000,000). Kanmah USD 25000 he epchun ahcun let 40000 in aa thlau. Kanmah nakin let thong 40 in thazang a ngeih dueh mi le a thawn deuh mi Kawl Ralhrang MAH te TEINAK caah Pathian nih Drone le Chin Mino IT Fimthiam rual cu Tuukhal David le a Ṭawlṭang bangin a hman hna.

■■ Profet Elisha Salpa Gahezi bantukin in Pathian zumhnak le bochan nak ah a mitcaw mi CHIN Mifim hna nih MAH kan tei lailo an ti mi cu Pathian fa an si lo, Khuachia fa ansi caah asiko. 1 trillion cu zero 12 nih a zulh lai. 1 Quadrillion cu Zero 15 nih a zulh ve lai. ■■ Russia IT fimthiamnak nih a tlaih khawh lo ding in Drone a siam tu Thantlang Chin Mino hna cu Israel mino an hluan ko. Israel nakin an thiam dueh ko ka ti. American nih hngalh hna sehlaw, Russia Tuluk tei awkah an hman hna lai pei tiah. Chin mi ansi caah asi. American cozah nih an hngalh ni cu hi Ttl Chin Mino IT thiam rual hi Millionaires an si te lai. An fimthiam nak le aman hi Minung tuak khawh nak pinlei ah.

■■ Pathian pekmi fimthiamnak ti cu hi bantuk hi asi ko hen cu. Salai te pawl hi ziah MAH kan tei lailo tiah nan zai lengmang ve ne. Dollar tampi relcawklo dih in Miphun dang le Ramdang ah siloin Ttl Mino hna sin ah Russia TEITU IT fimnak kan cawn khawh ve cang. Cucaah Chin Youths For Reformation tiah ka Motto cu kaa ngeih phu hrinhran ko. Pathian pek mi an si dih. Ramthumnak ah aummi Chin mi hi nuai 1 cu kan tling lai. Hnarcheu I cheuchin 25000 nih USD 1000 cio in Miphun le ram caah kan ttuan ve i kan thawh khawh asi ahcun 25000000 (25 million) asi cawlh ko. Russia le Tuluk IT fimnak hi a tlaih khawh lomi Drone 1000 a cawk khawh. MAH te SAC bantukin USD 1 billion reru dih a herh tilo.RK