Aung La Pehzulh in Voi 3 Teinak Ahmu, Ridder pehzulh in voihnih Asung

dailychin

Tutan ONE Fight Night 10, the 1stBank Center in Colorado ah tuahmi cu ahlunghlai taktak. Champion Belt defense tuahtu hna hi minung 3 bak an si. An pathum ningin Champion taisawm an ven khawh dih. Pathum lakah nu pakhat STAMP aa tel ve.

Aung La le Fan Rong cu zong zoh an nuam, tha tein 1st round an dih i, second round an luh second chungah Fan Rong nih Aung La cu right hock atuah caah Aung La atlu dengmang. Cu lio cu Fan Rong nih caantha lak timh in Aung La cu atlaih i thluk bak ah Aung La nih Fan Rong hngawng ah adih/reh Choked out in a tei. Tutan he Aung La nih pehzulh in voithum Champion asi.

Aung La nih Champion Belt pahnih ningin a chuttu De Ridder zong submission Gripping ah Tye Routolo he an i thua. Ridder cu official judges points in asung. Tutan he Ridder hi pehzulh in voihnih asunghnak asi ve. Tuan deuh ah Anotoly nih a rak thah deng.

TCP- Pekhon Peng Ah Kahdohnak Um Loin SAC Ralkap Nih Bomb An Thlak, Tualchung Mi 3 Hliamhma Fak Ngai An Tuar .Shan ramkulh, Pekhon peng khuate pakhat ah SAC ralkap nih kahdohnak zeihmanh um loin bomb an thlak ruangah tualchung mi 3 hliamhma fak ngai an pu, tiah tualchung mi hna sinin theih a si. Nihin May 6 deilei suimilam 3:50 ah SAC ralkap nih kahdohnak um loin Pekhon peng khuate pakhat ah Fighter in bomb an thlak ruangah Roman Catholic Biakinn le tualchung mi inn cheukhat a rawk, tiah theih a si. Bomb an thlak ruangah kum 10 tluk ngakchia pakhat zong hliamhma fak ngai a pu i, a nunnak ca ah thinphang ngai a si. A dang pahnih zong an hliamhma a fak ngaingai, tiah theih a si.

SAC Ralkap Nih Humalin Peng Ah Bomb An Thlak Ruangah Tualchung Mi 4 An Nunnak Liam
Sagaing ramṭhen, Humalin peng chung um SNA sakhan pahnih cu PDF nih an va kah caah SAC ralkap Fighter nih bomb a thlak i, tualchung mi 4 an nunnak a liam, tiah PDF nih an langhter.
April 4 zing suimilam 6:00 hrawngah Humalin peng Nantaungoo khua um SNA sakhan cu PDF nih suimilam 1 chung an va kah caah an sakhan an lak khawh.

Ngupin khua um SAC ralkap le SNA sakhan zong an va kah caah SAC nih Fighter hmang in bomb an thlak i, khuami 4 an nunnak a liam pinah inn 4 hrawng a kang. Ngupin khua cacawnnak sianginn zong a rawk, tiah theih a si. Cu kahdohnak ah Humalin hriamtlai ṭangṭi phu a simi Khanti pengkomh Battalion 1, HPDF 124 ၊ HPDF le HPDF hna i bawm in kan kah hna, tiah Humalin PDF nih cathanh an chuah. Cu pinah May 5 zanlei suimilam 4:00 hrawngah Humalin le Hpawngpin PDF ṭangṭi phu an sakhan umnak Natset khua cunglei ah SAC ralkap, SNA Brigade 891 le Kate hriamtlai phu nih 60mm in voi 10 an kah ruangah khuami inn tampi zong a rawk, tiah theih a si.