Athiang Thitumhnak Puai ah Lehthahtu Pastor nih Sui Kutdonghrolh Kongah LIH AN CHIM

Home

Athiangmi Thitumhnak cu bible nih a upatmi a si. Cu cu Pathian bia nih zulh dingin a kan fialmi cu a si. Thitumhnak atuahtu ding hna nih thitumhnak an tuah tikah kutdonghrolh ithlennak tuah a si lengmang. Marriage ring timi hi nikhat hnu nikhat uar chin lengmang a si. Atu cu khuate inn kua hra zongah hman asi ve cang.

Hika zawn teah hin kutsih lehthahnak atuahtu pastor nih lih bia an chimnak zawn hi na ruat bal maw. Pastor pakhat a simi nih cun raltha tukin thil si lo ningin lehthahnak i mipi hmaiah biachim hi iralring deuh cang hna sehlaw atha cang. Nupa aa thi um dingmi hna nih cun kutdonghrolh thlen an duh.

Cu kutdonghrolh cu zeiruangah dah an ithlen i an ithenh timi hi thuk deuh in ruat hmanh u,  nihin ah cun sital thohnak ah a hmangmi an tam cang. Mi tampi cu Sui tak tak asi lomi cu Sui bantukin an hman. Cheukhat nih cun Sui zuarnak dawrah an va hlang i thitumh dih hnu ah an pek than hna. Cheukhat cu Sui tak tak aa thenhmi zong an um ve.

Hika zawnah langhter ka duhmi cu, Pastor nih kutdonghrolh kong a chim tikah dawh tuk in a chim. Achimmi cu, Mah Sui kutdonghrolh hi zoh ulaw hliah cang ngeilo a si. Cu nih alanghtermi cu kan dawtnak hi mah kutdonghrolh nih hliah cang a ngeihlo bantukin kan dawtnak hi zeitikhmanhah adong kholomi dawtnak, chanchung nupi pasal ding caah kan dawt timi alanghter tiah an chim theu.

Kutdonghrolh asimi nih cun hliah an ngei cio hna lo. Zeitintiah amah pungsan serning hrim hrim a si cang caah a si. Kutdonghrolh peknak timi hi thitumhnak tuah lio ah hmanmi nakin ihamnak ah tam deuh nih cun an hmang. Lehthah lio ah an hmanmi khi a tak takah cun dawtnak an langhter cu a si ko. Nain pastor nih kutdonghrolh konglam sining lo tukin chimfiannak a tuahmi khi adik lomi cu a si.

Nain cu an langhtermi dawtnak cu hliah ngeilo, zungzal caah timi a si tak tak lai maw. Zeicatiah Suidawr ah pei nikhat caah an hlan men ko cu, asi loah Sui tak tak si lomi atuh pei cheukhat cu an hman ko cu. Zeibantuk hmanh sisehlaw chim duhmi cu pastor cheukhat nih Sui kutdonghrolh kongah sital thoh tukin bible cherchanh in asullam a si tak tak lomi an chim lengmang mi khi LIH chim a si.