An Phomh Hoi Cang Hna, Ralhrang 9 an Thi

Pale Peng Ah SAC Ralkap Bomb Puah An Tong, 9 An Thi- Pale-Gangaw lampi Kyauk Sa Lin tlang ṭumnak lei ah rallam a sial mi SAC ralkap pawl cu, bomb puahhnawh an ton caah 9 an thi, tiah theih a si. “SAC ralkap motor cu meng 55/56 in a chuakmi an si i, June 10 zing sml 11:30 hrawng ah bomb lung 3 in kan puah hna. Kan kahnak hna ah SAC ralkap 7 an thi. Bomb an fimhlawm lioah 2 an thi chap,” tiah Pale People’s Defence Force-Headquarters ṭuanvo ngeitu pakhat nih a chim.

“Bomb lung 3 in kan puahhnawh hna caah tam ngai an thi. Suimilam cheu chung hrawng Kaphnih kar kahdohnak a chuak i SAC ralkap 7 hrawng an thi. Hmai an vun kal tlawmpal ah bomb kan phummi an laak hnik lioah ah voi hnih a puak. SAC ralkap 2 an thi i, 1 aa hliam, tiah a chimchap. SAC ralkap nih an i kahnak pawngkam khua hna cu mei in an khangh hnu ah hnu an kir, tiah theih a si. Cu kahdohnak ah Pale People’s Defence Force-Headquarters ၊ Pale Battalion 2, Yinmarpin Battalion 3, God Of Myaing၊ Myaing’s Hero Generation le Lin Yung phu hna i bawm in an kah hna, tiah theih a si. TCP