Aizawl Deputy Commissioner nih Ralzaam Kongah Ralrin Cathanh Achuah Cang

Home

Ralzaam kongah Aizawl khuapi nawlngeihnak sangbik ngeitu Deputy Commissioner Dr.Lalhriatzuali (IAS) nih cathanh a chuah. Cathanh chung ah hitihin aa tial; Kan theih cio bantuk in Myanmar ramchung buainak ruangah Mizoram ah ralzaam tam ngai an ra lut cuahmah. Ning le cang tein kan I runven khawhnak hnga atanglei theiternak zulh cio ding asi lai.

  1. Rambuai ruangah Mizoram a ra lut mi ralzaam hna nih Mizoram cozah theihpinak le siannak nawl um loin Ram/vawlei le inn an cawk awk asi lai lo.
  2. Cozah theihpinak tel loin chawlehthalnak an tuah lai lo, phung nih a onh lomi chawlehnak phunphai asimi pohpoh luhpi in zuar lo ding.
  3. Myanmar lei in motor/motor cycle rak luhpi mi hna cu Local/village Level Committee on Myanmer Refugees sinah theihpinak tuah ding.
  4. Myanmar rammi sinak anei mi nih phunglo ningin Aadhar Card/Voter ID/Driving License le a dangdang ser lo ding.

Acung ah kan langhter mi vialte hna hi Veng/khua cio nih Local/Village Level Committee on Myanmar Refugee nih mah le veng/khua cio nih tha tein kalpi ding, cun zulhphung sermi a zul duhlomi an um ahcun Chairman, District Task Group on Myanmar Refugees sinah theihternak tuah ding asi lai.