AHODAH NA ZUMH DEUH…Usman le Edwards Avoithumnak An Ithua Cang Lai Hih

Kamaru Usman le Leon Edwards hi avoikhatnak an rak ithongh ah hin match tling tein an rak dih I, Kamaru nih judges points in teinak a rak hmu.  Avoihnihnak UFC 278 ah an rak ithong than I an match adih lai te ah Leon nih orhlei kut in thongh timh bantuk in a um I kehlei ke in Kamaru cu abek ah a chuih I knock out in a rak tei.

Cucu Kamaru aa lungsi lo caah Leon he ithong than ding in challenge atuah than caah thaizing Sunday zing (Western caah Sat) ah UFC 286 Main Card PPV in The O2 Arena London ah an ithua than lai. Tutan ah hin Main Card 2 an um I adang pakhat cu Justin Gaethje vs Rafael Fiziev an si. Anmah zong hi zoh nuam taktak ding an si ve.

Tutan ah Usman le Edwards hi avoithumnak a si lai caah a biapi ngaingai. Asungmi nih teitu asimi kha fawi tein challenge tuah khawh an si ti lai lo. Voihnih an ithongh cianak zoh tikah Usman hi ground games a thiam deuh caah Leon hi asung sual lai maw ti asi. Avoihnihnak lio zongah khan Usman nih a tei ngai nain vanchiat ah game adih lai teah Leon nih knock out in atei. Ahodah na zumh deuh ve…

NUG Le SAC He PEACE Tuah An Duh Ve Nak An Langhter Mi Cheukhat . NUG nih PEACE an duh nak an langhter mi ah: Mipi cu sandah kan piah lengmang ahcun thih dih asi ko lai. PDF CDF cu hriamnam tling lo he raldoh zungzal ahcun kan thih dih taktak ko lai. NUG nih PDF CDF le EAOs cu hriamnam le Phaisa in kan bawmh khawh hna lo. Vanlawng kahnak zong kan cawk piak khawh hna lo.

CDMers cu kan cawm khawh tung hna lo ahcun Pau Dohthlennak a dih hlan ah kan thih dih ko lai.
Vawleipi nih tuah hlah an ti ko buin Ko Jimmy te a thah ngam tu MAH asi. Ka tuah ngam lo mi aum lo a ti tu pa asi. Pau Dohthlennak a can a sau I kan I tei veve lo I tu bantukin kan kal lengmang ahcun DASSK telin Thongtla mi hi a thah dih ko hna lai.

Cucaah NUG nih PEACE lei ah kal kan herh ko. NUG nih kan chimh awk cu DASSK le thongtla mi vialte thlah dih uh, Rallokap cu Ramkhel in chuak uhlaw, nan rian ṭuan cang uh. NUG kut ah uknak na chanh lai. Nan sualnak vialte le nan firnak, nan firkhut nak vialte Tazacuai asi lai caah nan cohlan lai. Nan sual ko ahcun Saddam Hussein bantukin Hrithlai in thah nan si ve lai.

Nan dinfel ko ahcun Thiamco nan si ve lai tiah NUG nih an ti ve. MAH nih a duh mi le a ti ve mi hna cu 2008 phunghrampi thah hlah uh, Uknak ka lak mi nan cohlan lai, Tamada nan ka pek lai, Hnu lei kir in thiamlo coter lo le sualnak ruangah dantat asi lai lo. Cutin nan duh ahcun NUG PDF CDF he biaruahnak kan tuah lai tiah MAH nih ati ve. Kanmah nih SAC kan tei kan ti. SAC nih kanmah nih kan tei hna an ti ve.

Vawleipi nih an i tei veve lo an kan ti. Mipi lawng an harsa i an thi, an innlo le khua aciam dih i nunman ngeih lo ah an i chuah an kan ti. Cucaah vawleipi nih NUG cu PEACE hi cohlan ko an ti.
Kan ral hi kan tei ko hna. Rallokap thah dih thih dih hnu lawngah Raltei asi ahcun Asikhawh lai lo. Cubantuk raltei nak cu vawleipi ah aum ballo. A phung zong asi lo. A tu kan tei mi hi tei taktak asi ko. Riakcaw le hriamnam semrel lo tein nan kan rin khawh, CDF mino nih Malay ah an zam lo, Mipi nih 100% nan kan dirhkam ahcun a rau hlan ah kan tei lai. NUG nih PEACE a tuah hlan ah kan ngeihchiah chawva kan sian ahcun kan tei bak lai. Nan sian lo ahcun kan tei ve lai lo.

Cucu Ral kan tei lo ahcun CNF CDF palh asilo. CNF CDF santlaih lo asi lo. Chin Mi nih Chitṭi Kala bantukin kan khir tuk caah Ralsungh asi te lai. Hnapkherh hmanh a sian lomi le Mi Zunput ah ek sian lo mi, Tawpherh hman a sian lomi Ramchung le Ramdang um CHINMI kan tamtuk caah Ral kan tei lo hi asi te lai. Nan duh lo zongah asi lai.

CNF Nih Tuah Dingmi Chinland Cozah Aa Tel Duh Lomi Vialte Cu Chin Virus le Cancer Nan Si Ko. Mindat Teirul Chamhnak Caah Thantlang Khualipi Mei Ah A Ciamh Nak Hi Asi. Hihi Kawlram pumpi ah siseh, Vawleipi ah siseh an ti cio mi asi. Vawleipi nih an kan ṭhen lo, Ralhrang Rallokap zong nih CHINMI ti lawngin an kan hmuh. Mindat ah Puahceh in Motor tiang kan hrawk, Automeithal, Miapi, Hriamngan le Vanlawng tiang a ngeih mi Kawl Rallokap nih Puahceh he asi mi CHINMI an tei hna lo tiah, Vawleipi ah an limhang a zawr tuk cang.

Kala Teilo ahcun Rakhine ti phun in Mindat a tei hna lo caah, Thantlang khuapi an khangh hi asi.
Thantlang cu CNA Laiza asi caah CNF le CHINMI Teirul chamhnak caah CHINLAND khua dawh bik mi Thantlang mei ah a ciam hi asi. CNA nih Raldohnak Tindan pek lomi CDFs an um lo. CHINRAM kip ah CNA nih Raldoh pi asi. Hlanchan CHINRAM asimi, Kawlte nih chutmi Kalay – Kabaw – Gangaw tiang lawng siloin, Chindwin Tiva kian, Asho Chin Umnak Magway ram tiang, Hlanchan CHINRAM asimi Homalin le Sagaing ram kip ah, KIA he aa pehtawn tiangin Ralhrang adoh mi CNA ansi.

Sagaing le Magway ram cu Rallokap nih an lak khawh lo mi cu CNA ruangah asi. Bo Nagar le Bo Tanmini ruangah asi lo. Sagaing le Magway ram ah Martial law an thanh nak hmun cu CNA nih ralhrang an doh pi nak hmun an si. Vanlawng in an kahnak a tambik hi Sagaing le Magway CNA ralkap le PDF an umnak asi. Media ah an langhter duh lo caah asi lai. 100 leng vanlawng in an kan kah timi kha cu NUG nih cazin an hal tuk hna caah an pek mi asi.

CNA nih ralteinak an langh ter lomi hi an tam deuh lai. Pungdaung le Pungngia ah Rallokap Leilawng 100 leng an hremh hna, an erh hna I, tampi an thah hna, hriamnam tampi an lak mi zong an langhter duh lo. CNA nih Raldoh pi loin CDFs nih Ralhrang an tei ngaingai bal hna lo.
Kanmah lawng tein ralhrang kan doh khawh ko, kan si khawh ko nan ti ahcun CNA hi SAC he PEACE tuah hna sehlaw, nan doh rih ko lai maw,

CNA telo ngaingai in SAC hi CDFs nih kan tei lai tiah kan zumh maw? Cucaah CNA ah nan lut duh lo hmanh ah CNA hruainak tangah kan um awk asi. CJDC tal cu kan si dih awk asi. CNA hruainak tang ah um a duh lomi CDFs PDFs CNDF MDF ZRA tbk nih biatak tein khuatuak cang uh law a ṭha lai.
Pau Dohthlennak ah Chinland cozah cu kum 2 kan hngak ko nain a dirh awk asimi nih an tuah khawh ti lo.

Cucaah CNF hma a lak hi asi. CDFs PDFs vialte le MDF CNDF ZRA PDF Zoland tbk vialte nih CNF he nan I fonh lo ahcun a ṭha lailo. NUG nih 2023 kum ah Ralhrang kan tei lai an ti hi si khawh dawh asi lo caah CNA loin CDFs nih ralhrang saupi kan doh khawh lai hi kan in zumh ti hna lo. CDFs tampi cu Malaysia an zam fawn. Cucaah Tutan CNF nih an tuah dingmi CHINLAND cozah ah I fon dih uh.
A fon duh lomi phu le Pengtlang cu Tuanbia Tazakhan bak nan si cang lai. Chinram le Chin miphun dam aduh lomi nan si lai.

Chinland caah Viruses si le Cancer si hi ngawl cang u sih. Ritte bangin dawhrem tein an sersiam tu CNA Ṭhuro kha kaltak hlah. Ṭhuro nih Ritte cu a hngawng a merh caah Ritte paw hi a hnu lei ah aum ti asi kha. Tutan CNF hruaimi Chinland Council ah um aduh lomi Pengkulh le Pengtlang cu Ritte bang nan paw hnulei aum mi nan si tak ko I asi ko lai. CNA ah CDFs hi ṭhial dih ah a ṭha nain nan duh lo ahcun CNA Ṭatmaha in um uh law, anmah CNA hruainak tangah um cang uh. CNA telpi loin SAC kan tei lai hi kan in zumh bak hna lo. Kawl Ralhrang hna tei in, Federal cu CNA le CDFs pumkhat sinak in asi khawh lai tiah kan zumh. JRT