AA Hriamtlai cu Ralhrang nih Tilawng he Vanlawng he Akah Cang

Home

Nihin ah AA hriamtlai le ralhrang karlak kahdohnak afak ngaingai. Tuzing ah ralhrang hna cu tilawng pahnih in Tatpung tiva leiin an rak kai. Mah cu cu AA nih an kah hna I tilawng pakhat a kaang. Cu tlawmpal ah ralhrang nih raltuknak helicopter an vun thlah I cunglei in biatak tein AA cu a kah hna.

Tatpung tiva pawng ah a ummi Chaungsi khua cu ralhrang hriam ngam kahmi nih a den tuk caah khuami zeimawzat hliam an tuar tiah KTM nih achim. Kahdohnak a chuah tlawmpal ah ralhrang khah-mah-yah 379,380, le 541 tatyin pathum hna cu Minpya khuapi chung ah hmun an khuar I, pawngkam khua le tiva nelrawn hna cu hriam lian mi in heh an kah ruangah nu pakhat le ngakchia pahnih hliam fak ngai an tuar chap rih.