A-U Deuh hi Ting 40, Anau Hi Ting 30 (VIDEO)

Online in mipa pakhat nih afanule pahnih cu a zuar hna. Hringtupa nih afanule cu mipa pakhat a zuarter i, online ah unau hna zuar an si ah hin hringtu anpa zong a thu ko. Unau nungak tleirawl hna cu tha tein hringtu an pa pawng teah an thu ve ko. A u deuh hi kum 17 asi i, kawlram phaisa in ting 40 asi i, ngaichia deuh hi kum 15 lawng si rih i ting 30 asi tiah azuartu nih achim.

Unau hna acaw duhmi hna nih theih awk asimi belte a um ve, cucu zeidah asi ti ahcun, nu hi cawk tikah nupi caah asi lai caah dawt bak ding, kan cawkmi na si ti phunphai in duh poh in vuak, hrem le rianhrang tuanter tibantuk a ngah lai lo tiah biadanh an chim cia. video zohnak

Admin- Tutan ah online in afanule 2 a zuartu pa lungput khi Laimi nih fawi tein kan mawhchiat ngam lai maw? Atu tiangah Laitlang khua cheukhat ahcun fanule va an neih tikah hringtupa/ apu/atta nih pa lei cu phaisa/man tampi alak hna. Fanule va ngeih ruangah phaisa tampi hal khi fanu zuar phunkhat asi lo tiah aho achimngam ding kan um lai maw… Man le mual ahau lo, Arsathah le phunthawh lawng si ko seh atimi nu le pa 99% kan si rih. Arsathah ah Vok sumh 5, Phunthawh phaisa asi ahcun Siapi/siakong pakhat man (ting kul hrawng). Phungphai kan nei tiah kan ti, cucu ahman ko, miphun pakhat cupei kan si fom cuh. Nain arsathah ah Vok sumh 5 ti phung kan nei lo, phunthawh timi hi tha tein ruah kan cu.

Cuhlan ah Ramuk bawi uknak/hruainak in kan rak um. Cu lio caan bawi phun, chia phun (Bawi le sal) in rak um asi. Cubantuk lio caan ahcun bawi phunthawh cu asining tein pek ding kan si. Nain tuchan ahcun ramuk bawi an um ti lo caah bawi le sal zong a um ti lo. Cubantuk a um ti lomi phung ah kan fanule va an ngeih ah khin bawi phun sinak in man ihauh phung asi ti lo, achan kan luan cang. Cu caah phunthawh ah Ks100 zong hal khawh asi cang.